Víkingar eru væntanlega svekktir að hafa ekki náð að klára leikinn. Þeir lentu í sömu stöðu gegn FH og endaði sá leikur einnig 1-1.
ÍBV 1 - 1 Víkingur R.
0-1 Rick Ten Voorde ('71 , víti)
1-1 Jonathan Ricardo Glenn ('92 )
Rautt spjald:Felix Örn Friðriksson , ÍBV ('70)
Lestu nánar um leikinn
0-1 Rick Ten Voorde ('71 , víti)
1-1 Jonathan Ricardo Glenn ('92 )
Rautt spjald:Felix Örn Friðriksson , ÍBV ('70)
Lestu nánar um leikinn
ÍBV og Víkingur R. mættust í fyrsta leik fimmtu umferðar Pepsi Max-deildar karla í dag.
ÍBV var mikið betri aðilinn í upphafi leiks og hafði skapað bestu hálfsénsana en ekkert afgerandi færi. Víkingur endaði hins vegar fyrri hálfleikinn betur og skapaði tvö stórhættuleg færi undir lok hans.
Í seinni hálfleik, nánar tiltekið á 70. mínútu, dró heldur betur til tíðinda þegar Helgi Mikael dómari dæmdi vítaspyrnu fyrir gestina úr höfuðborginni. Þar að auki reif hann upp rauða spjaldið á Felix Örn Friðriksson, varnarmann ÍBV.
Rétt rautt spjald í Eyjum samkvæmt bókinni. Rautt spjald ef ekki er gerð tilraun til að leika boltanumhttps://t.co/WRklOX7k9A#fotboltinet
— Magnús Már Einarsson (@maggimar) May 19, 2019
Hollendingurinn Rick Ten Voorde fór á vítapunktinn og skoraði af miklu öryggi. Staðan 1-0 fyrir Víking gegn tíu Eyjamönnum.
Þessir tíu Eyjamenn gáfust þó ekki upp og tókst þeim að jafna í uppbótartímanum. Það gerði Jonathan Glenn. „Frábært mark! Breki með fasta sendingu og skallinn góður hjá Glenn! 1-1!!!" sagði Daníel Geir Moritz í beinni textalýsingu á Fótbolta.net.
Ekki voru fleiri mörk skoruð og niðurstaðan því 1-1 jafntefli í Vestmannaeyjum. Víkingar klóra sig eflaust í handabökin að hafa ekki náð að landa þessum sigri. Þetta er ekki í fyrsta sinn sem þetta gerist við Víkinga einum fleiri. Þetta gerðist einn gegn FH fyrr á þessu tímabili þar sem FH jafnaði í 1-1 einum færri.
Hvað þýða þessi úrslit?
ÍBV er á botni deildarinnar með tvö stig úr fimm leikjum. Víkingur er í sætinu fyrir ofan með þrjú stig. Bæði lið eiga eftir að vinna leik.
Það er einn leikur í gangi núna og einn leikur á eftir í Pepsi Max-deildinni.
Beinar textalýsingar:
16:00 ÍBV - Víkingur
17:00 Stjarnan - KA
19:15 Breiðablik - ÍA
Athugasemdir